Dislexia

Gaurkoan dislexiari buruz hitz egingo dut; Lehenik eta behin esan beharra daukagu gaixotasun hau irakurtzeko, idazteko eta ikasteko arazoetan oinarritzen dela. Umearengan inolako eskasia emozional, sentsorial (ikusmenaren edo entzumenaren arazo) nahiz intelektualik atzeman gabe. Normalean 7-9 urte bitartean duten haurrengan atzematen da eta gutxi-gorabehera haurren %5 eragiten die.

Sintomak aldakorrak dira, izan ere pertsona ezberdinetan eragina oso ezberdina izan daiteke, hau da, batzuei ez zaie ia nabarituko edota beste batzuei berriz izugarrizko arazoak antzemango diegu. Normalean memoriari, lexikoari eta mintzamenari egiten diote kalte. Zenbait kasutan eskolaurrean dauden haurrei antzematen zaie non kasu hauetan diagnostiko bat egi beharra dagoen, izan ere gaixotasun hau ez da denborarekin desagertzen.

Baina zergatik sortzen da gaixotasun hau? Gure burmuinean bi hemisferio daude, ezkerraldekoa eta eskumaldekoa. Alde bakoitza zeregin bakoitzean espezializatzen da. Irakurtzean bata besteari informazioa bidaltzen dio, baina dislexia duten umeetan ezkerreko hemisferioak arazoak ditu, horrela informazioa prozesatzean arazoak sortuz.

Sintoma ugari daude baina batez ere hauek dira aipagarrienak:

Adina	Eskolaurrean	Lehen hezkuntza	12 urtetik aurrera
Arazoa	Korrika eta salto egiteko arazoak	Letrak, zenbakiak… ordenaz aldatu	Arreta arazoak idaztean eta ikastean
Arazoa	Arkatza eta artaziak erabiltzeko arazoak	Ez du arkatza ondo hartzen	Lanak egitean geldoa da eta egoera berrietara ez da ondo moldatzen
Arazoa	Gauzak ikasteko arazoak: kolore, forma, egunak…	Irakurritakoa ez du ondo ulertzen	Ez du irakurri edo idatzi nahi eta matematiketan ez da trebea
Arazoa	Arreta falta	Ahozketa orduan arazoak ditu	Ez du denbora ondo antolatzen
Arazoa		Letrak hitz baten barruan aldatzen ditu

Zer egin dezakegu haurrari laguntzeko?

· Profesional baten laguntza bilatu.

· Bere arazoaz berarekin hitz egin eta bere proposamenak entzun.

· Umeak dituen arazoak ez errepikatu behin eta berriro, eta goraipatu egiten dituen ekintza onak.

· Berarekin egunero irakurri, horrela dituen hiztegi arazoak konponduz.

· Teknologia berriak erabili: agenda elktronikoak, ortografia akatsak zuzentzen duten programak erabili…